کوردستانهەواڵی

تۆمەتبارێك دەستگیركرا هەرەشەی بڵاوکردنەوەی ڤیدیۆی سێکسی کچێکی کردووە

دەنگی کورد

لە راگەیاندراوێکی پۆلیسی پارێزگای سلێمانیدا هاتووە:" هێزەكانی بنكەی پۆلیسی سەرچنار تۆمەتبارێكیان دەستگیركرد كە دەستدرێژی سێكسی كردبووە سەر كچێك و تۆماری ڤیدیۆیی کردبوو".

لە راگەیاندراوەکەدا ئەوەیش هاتووە:"دوای ئەوەی ڕۆژی ٢٥-١٠-٢٠١٨ كچێكی تەمەن ٣٢ ساڵ بەناوی (ن) سەردانی بنكەی پۆلیسی سەرچناری كردو سكاڵای تۆماركرد لەدژی تۆمەتبار ( ش ، أ ، ع ) كە بەبیانوی خۆشەویستی دەستدرێژی سێكسی كردبووە سەری و تۆماری ڤیدیۆیی كردووە، دواتر هەڕەشەی بڵاوكردنەوەی تۆمارەكەی كردبوو، هەروەها بڕی (٣٨٠٠) دۆلاری لێوەرگرتووەو داوای پارەی دیکەیشی لێكردبوو".

هێزەكانی پۆلیسی پارێزگای سلێمانی بە فەرمانی دادوەر، پاش لێكۆڵینەوەو بەدواداچوون توانیان شەوی رابردوو تۆمەتبارەکە دەستگیر بكەن.

پۆلیسی سلێمانی ئەوەیشی راگەیاندوە؛ کە لە ئێستادا تۆمەتبار بەفەرمانی دادوەرو بەپێی ماددەی 393 لەیاسای سزادانی عیراقی راگیراوەو لە لایەن بنكەی پۆلیسی سەرچنارەوە پەڕاوی لێكۆڵینەوەی بۆ كراوەتەوە .

 

زیاتر پیشان بدە

بابەتی پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *