ئێوە و حکومەتچاوپێکەوتن

بەڕێوەبەری ناحیەی وارماوە:گەندەڵی هەلا هەلای کردوین

ڕۆژ تا ئێوارە داوای لێبووردن لەخەڵکی دەکەین چونکه وەک پێویست ناتوانین داواکاریەکانیان قبوڵ بکەین

کامەران عەبدوڵا بەڕێوبەری ناحیەی وارماوە كە ماوەیەكه لەسەر پشکی بزوتنەوەی گۆڕان ئەو پۆستەی وەرگرتووە، دیجیتاڵ میدیای دەنگی كورد سەبارەت بە بەڕێوەچوونی كارەكانیان لەو ناوچەیەدا دیدارێكی لەگەڵ سازكرد و كار و پرۆژەكانی بۆ دەنگی كورد خستەڕوو.

دەنگی كورد: بەڕێزتان تاچەند دەتوانن کارەکانتان بەبێ دەستێوەردان جێبەجێ بکەن؟
 
کامەران عەبدوڵا: لەڕاستیدا ئیداڕەی ئەم ناوچەیە بەشێکە لە کۆی سیستمە سیاسیەکەی کوردستان کە ئێمە لەگەندەڵیدا نوغرۆ بووین، گەندەڵی هەلا هەلای کردوین، بێگوومان تەداخولات هەیە ، بەڵام ئێمە دەبێت هەوڵ بدەین یاسا لەسەرو هەمووشتێکەوە دابنێین هەندێک کات گەر تەداخولیش کرا بەپێی یاسا بیگونجێنین، گەر نەگونجا دەتوانین حسێب بۆ داواکاریەکان نەکەین، بەڵام بەگشتی من لەخەڵکی ئەم سنورە ڕازیم پیزانینم هەیە بۆ عەشرەتەکان.

 

دەنگی كورد: پلانتان چیە بۆ پڕۆژە وەستاوەکانی ناحیەی وارماوا؟
 
کامەران عەبدوڵا: لەڕستیدا ئەم پڕۆژانە لەشوێنی دیکەوە بەتەندەر دراون واتە شوێنی دیکه خاوەنی ئەم پڕۆژانەیە، پڕۆژەکان یان سەر بە پارێزگای سلێمانین یان سەر بە بەڕێوبەرایەتیە گشتیەکانن، جا ڕێگاو بان بێت یاخود هەڕ شتێکی دیکە بێت، دەبێت لەوێوە تەموێل بکرێن و بکەونەوە کار، ئەگینا ئێمە هەر پلانێکشمان هەبێت سوودی نیە،  چونکی لەسەڵاحیەتی  ئێمەدا نین، پێویستە بەو جۆرە چارەسەر بکرێت.

 

دەنگی كورد: تاچەند مورتایحت کە بەڕێوبەری ئەم ناحیەیەی ئایا لەخۆت ڕازیت ؟
 
کامەران عەبدوڵا: بەڕاستی من وەکو خۆم نەخێر مورتاح نیم، لەبەر ئەوەی ئێمە ڕۆژانە تەعامول لەگەڵ داواکاری هاوڵاتیاندا دەکەین، ڕۆژ تا ئێوارە ئێمە داوای لێبووردن دەکەین لەخەڵکی چونکی وەک پێویست ناتوانین داواکاریەکانیان قبوڵ بکەین،  بەڵام ئێمە  لەسرو ئەمانەوەی هەوڵی  ئەوەمان داوە کە ئیدارەکە بێلایەن بکەین، وە دوور خستنەوای دەستی حزب و یاسا سەروەر بێت.

 

دەنگی كورد: بەڕێزتان لەسەر پشکی بزوتنەوەی گۆڕانن تاچەند حزبیانە مامەڵەتان کردووە ؟
 
کامەران عەبدوڵا: لەڕاستیدا هەموو ئیدارەیەک تەعبیر لەکۆی کۆمەڵگاکەی دەکات، ئێمە گوی بە ئینتمای سیاسی و حزبی نادەین لەسنوری کارکردنماندا، ئێمە زۆر هەوڵمانداوە حزبایەتی لەم سۆنگەیەوە ڕەنگ نەداتەوە و کارەکانمان لەچوارچێوەی داواکانی خەڵکدا بێت، وە هاوڵاتیانی سنورەکە پێویستە خۆیان ئەو تەقیمە بکەین کە تاکو چەند حزبیانە مامەڵەمان کردووە، ئێمە زۆر هەوڵماندووە خۆمان لەو بابەتە بەدوور بگرین، ئیتر هاوڵاتیانێش ئازادن کە بۆچونیان چۆنە .

 

دەنگی كورد: لەسەر داوای کێ بڕیاردرا جۆزەی 20 ئەمپێڕی دابنرێ؟
 
کامەران عەبدوڵا: بێگووماج پڕۆژێ جۆزەی 20 ئەمپێڕی لەسەرەتای ساڵی 2017 دا پرۆژیەک بوو کە بەڕێوبەرایەتی گشتی کارەبای سلێمانی تەبەنی کردبوو، لەو سەرو بەندەدا ئێمە لەسەر داواکاری هاوڵاتیانی 13 گووند کۆمەڵگای نەسرو هەردوو قەرەگۆلی سەر و خواریشمان کرد بەم شێوازە کە فیدەری هەشتە بەم هۆیەوە هەم لۆد دابەزیوە  هەم سوودشی هەبووە ئەمە سەرکەوتوو بوو، بەڵام دوای ئەوە لەڕێگەی موختارەکانی ناحیەکەوە داوایان کرد کە ببێت بەم شێوازە، ئەو بوو لەسەر داواکاری خەڵک لەمانگی حەوتی 2017 موافەقەمان بۆ هەموو  ناحیەکەو بۆ هەموو گوندەکانی دیکەش وەرگرت، خۆشبەختانە ئێستا لەحاڵەتی جێبەجێکردنداین .

 

دەنگی كورد: هۆکاری دواکەوتنی جێبەجێکردنی ئەم پڕۆژە چی بوو؟
 
کامەران عەبدوڵا: یەکێک لەهۆکارەکان بابەتی ڕیفراندۆمەکەی پار ساڵ بوو، هەروەها دواتر ڕوداوەکانی 16ی ئۆکتۆبەر لەم قۆناخەدا بەڕاستی ئێمە لەلێواری ڕوخاندا بووین، بەڵام خۆشبەختانە لەسەرەتای ئەمساڵەوە پڕۆژەکە دووبارە جوڵاوەتەوە و ئێستا دەست بە قۆناخی جێبەجێکردن کراوە.

 

دەنگی كورد: لەڕێگەی ئەم پڕۆژەوە تاچەند کێشەی کارەبا چارەسەر دەبیت؟
 
کامەران عەبدوڵا: لەڕاستیدا ستاندارتێکی جیهانی هەیە کە هاوڵاتیان چەند کارەبایان پێویستە، بەپێی ئەو ستاندارتە جیهانیە ئەو بڕە کارەبای کە لەهەرێمی کوردستاندا بەرهەم دێت کەم نیە بە بەراورد بەژمارەی دانیشتوانی، بەڵام ئایا هاوڵاتیەکی هەرێمی کوردستان وەک هاوڵاتی وڵاتانی دیکه کارەبا بەرهەم دێنن بێگوومان نەخێر، چونکی بەشێکی زۆر ئامێری کارەبای بەکار دەهێنرێت،  ئەم زیاد بەکارهێنانی کارەبایە هێندەی لۆمەکردنی حوکومەتە لۆمەکردنی خۆیان نیە،  و لەم ڕێگەیەوە ئەم پڕۆژە هاتۆتە بەرهەم .
 
gallery

خالد کاوە
 

زیاتر پیشان بدە

بابەتی پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *