ئێوە و حکومەتچاوپێکەوتن

بەڕێوەبەرى ڕۆشنبیری و هونەری شارەزور: حکومەت نەیتوانیوە وەك پێویست هاوکاریمان بکات

بەڕێوەبەرایەتی ڕۆشنبیری هونەری شارەزور نزیكەی پێنج ساڵ دەبێت كراوەتەوە و وەك خۆیان دەڵێن بە شێوەیەكی باش توانیویانە لەو ماوەیەدا چالاكییەكانیان ئەنجام بدەن.

دیجیتاڵ میدیای دەنگی كورد لە دیدارێكیدا لە گەڵ مەریوان تۆفیق بەڕێوبەری ڕۆشنبیری و هونەری شارەزور ئاستیی چالاكی و كێشە و گرفتەكانیان دەخاتە ڕوو..
 

دەنگی كورد: بەڕێوەبەرایەتی ڕۆشنبیری هونەری شارەزور کەی کراوەتەوە؟

 بەڕێوەبەرایەتی ڕۆشنبیری هونەری شارەزور لە 20\11\ 2013 دروستکراوە، لەکاتێکدا کە قەیرانێکی دارایی و شەڕی نەگریسی تیرۆرستانی داعش بەرۆکی هەرێمی کوردستانی گرتبوو ئەم بەڕێوەبەرایەتیە کرایەوە، واتە لەکاتێکدا بەڕێوەبەرایەتیەکە کراوەتەوە كە هەرێم روبەرووی قەیرانێکی دارایی سەخت بوبویەوە.

 

دەنگی كورد: تا چەند توانیوتانە بە پێی پێویست کار و چالاکی ئەنجام بدەن؟

لەڕاستیدا لەگەڵ ئەو هەموو ئاژاوە و قەیرانانەی هەیە ئێمە بەشێوەیەکی باش توانیومانە چالاکیەکانمان ئەنجام بدەین، کە لەسەر ئەرکی کۆمەڵێک کەسایەتی بووە لەسنوری قەزای شارەزور، چونکە ڕەنگە حکومەتی  هەرێم نەیتوانی بێت وەک پێویست هاوکاریمان بکات، بۆیە ئێمە هەوڵمانداوە پەنا بەرین بۆ گرووپ، ڕێکخراو، یاخود ئەو کەسانەی کە دەتوانن خزمەت بکەن.

 

دەنگی كورد: کێشە و گرفتەکانی ئێوە چیە؟

یەکێک لەگرفتە سەرەکیەکان ئەوەیە تا ئێستا کەسی پسپوڕ لەم بەڕێوەبەرایەتیانە دانەنراون، چونکە پێویستی ئەم بەڕێوەبەرایەتیانە پێویستی بە دەرچوی بەشی کۆلێجی هونەر هەیە لە بەشەکانی شانۆ، میوزیک، هەیە.
یەکێکی دیکە لەگرفتەکانمان ئەوەیە، نە پاسەوانمان هەیە نە کارگوزاریش، لەبەر ئەوە ئێمە دەبێت هەمیشە بۆ پاککردنەوەی بیناکە وە بۆ پاسەوانیکردنی نەتوانین بەموتڵەقی کەسی بۆ دابین بکەین، گرفتێکی دیکەش قەیرانە داراییەکەیە، کە ساڵانە ناتوانین بەپێی ئەو بەرنامەی دایدەنێین له بۆنە نەتەوەیی و نیشتمانیەکاندا چالاکیەکان ئەنجام بدەین.

 

دەنگی كورد: چالاکیەکانی ئێوە گشگیرە یاخود  تایبەتیە؟

هەمیشە چالاکیەکانمان ساڵانە دابەش دەبێت بە دوو شێوە: کۆمەڵێک چالاکی پلان بۆ دانراوە وەک " بۆنە نەتەوەییەکان" کە هەندێکیان دەتوانین ئەنجام بدەین، هەندێکشیان بەداخەوە کە ناتوانین ئەنجامی بدەین، هەندێک چالاکیش ساتی ئەنجامدانی پێشوەختەیە و بەشێوەیەکی ئاسایی ئەنجامی دەدەین. 

 

دەنگی كورد: ئاستی ڕۆشنبیری قەزای شارەزور چۆن هەڵدەسەنگێنن؟ 

بێگوومان ڕەنگە لەئاستێکی  باشدا بێت، ئاستی سەقافی لەسنورەکەماندا ئەویش بەحوکمی ئەوەی ژمارەیەک چالاکوانی باش هەیە لەسنورەکەدا وە هەوڵی بەردەوام ولێنەبڕاوانە دەدەن ، بەڵام بەداخەوە بەشداری خانمان وەک پێویست نیە و ئێمە دەخوازین بەشداری خانمان لەئاستێکی باشتردا بێت. 

 

دەنگی كورد: هۆکار چیە خانمان کەمتر بەشداری چالاکیەکانتان دەکەن؟

هۆکارەکان زۆرن، بەڵام بەگەشتی پێدەجی خانمان خۆیان ئەو جەرائەتەیان نەبێت، چونکە پێویستە خۆیان هەوڵبدەن بەشداری کۆڕ و چالاکیەکان بکەن، هۆکارێکی دیکەش پێدەچیت بکەوێتە سەر ئەو ڕێکخراو و دامودەزگانەی له قەزاکە کە نەیانتوانیوە کارێکی وەهابکەن خانمان لەماڵ بهێنە دەرەوە.

 

دەنگی كورد: پەیوەندی ئێوە لەگەڵ دامودەزگا حكومیەکانی قەزای شارەزوور چۆنە؟

هەڵبەت ئێمە پەیوەندییەکی باشمان هەیە لەگەڵ بەشێکیاندا، بەڵام هەندێکیان بەداخەوە پەیوەندیمان لەئاستێکی باشدا نیە ئەویش بەڕاستی ئەوان گرفت و ڕێگریمان بۆ دروست دەکەن، چونکی بۆ کار و چالاکیەکان وەک پێویست بەدەمانەوە نایەن، هەڵبەت ئەویش بەپلەی یەکەم دەکەوێته سەر ئەستۆی بەرپرسی یەکەی ئیداری قەزاکە کە قایمقامی قەزای شارەزورە، پێویستە وە ئەرکە  لەسەر شانی ئەوان، ئەو پەیوەندییانە ڕێکبخات بەشێوەیەک بێت هەمووان بتوانن پەیوەندیەکی باشیان هەبێت لەکار و چالاکیەکاندا.

 

دەنگی كورد: پەیوەندی ئێوە لەگەڵ ڕێکخراوەکانی شارەکەدا چۆنە؟

لەڕاستیدا ئێمە لەگەڵ بەشێکیاندا پەیوەندیمان باشە، بەڵام بەداخەوە لەکەڵ بەشێکیاندا پەیوەندیمان زۆر خراپە، ئەمەش دەگەڕێتەوە بۆ ئەو جیاوازیە حزبیەی کە لەناوچەکەدا هەیە بەداخەوە کە لەم وڵاتەدا هەموو جومگەکان دابەش بووە بەسەر لایەنە سیاسیەکادا، هەندێک جار بەحوکمی ئەوەی کە کەسێک سەر بە پارتێکی سیاسیە ئامادەی ئەوەی تێدا نیە بەژداری چالاکیەکان بکات، بەلام ئێمە هەمیشە خۆمان بەو چەترە زانیوە هەموو بیروڕاکان کۆبکەینەوه.
 
 
خالد كاوه
زیاتر پیشان بدە

بابەتی پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *