عێراقکوردستانهەواڵی

سەندیکای رۆژنامەنوسان ئاگادارییەك بۆ زیان لێکەوتووانی کەرکوك بڵاو دەکاتەوە

دەنگی کورد

لقی کەرکوکی سەندیکای رۆژنامەنوسانی کوردستان، لە ئاگادارییەکدا داوا لە سەرجەم رۆژنامەنوسان وئەو هاوڵاتیانە دەکات کە لە رووداوەکانی ١٦ی ئۆکتۆبەر و رۆژوانی دواتر، پێشێلکاریان بەرامبەر کراوە، سەردانی بارەگای لقی کەرکوکی سەندیکا بکەن، لە شاری کەرکوك – گەڕەکی رەحیماوا، بە مەبەستی پڕ کردنەوەی فۆڕمی زانیاریی.

لەو ئاگادارییەی سەندیکای رۆژنامەنوسانی کوردستاندا، کە  کۆپییەکی گەیشتوە بە دەنگی کورد، ئەوە هاتووە، ئەو فۆڕمی زانیارییە لەلایەن (رێکخراوی پارێزەرانی کوردستان بۆ راوێژکاری یاسایی و پرسی جینۆساید و رێکخراوی ئەمەریکی و گەشەپێدانی مرۆیی) ئامادە کراوە، دواتر بەرز دەکرێتەوە بۆ لایەنی  پەیوەندیدار لەپێناو داکۆکیکردن و نەهێشتنی ونبوونی مافەکانی ئێوە.

لە پەیوەندییەکی تەلەفۆنیدا، (مەهدی زریان) سکرتێری لقی کەرکوکی سەندیکای رۆژنامەنوسانی کوردستان، بۆ دەنگی کورد ووتی:" داواکارم رۆژنامەنوسان و رۆژنامەو کەناڵەکان گرنگی بدەن بە بڵاوکردنەوەی ئاگدارییەکە، بۆ ئەوەی بتوانین زۆرترینی ئەو تاوان و پێشێلکارییانەی بەرامبەر بە هاوڵاتیان و رۆژنامەنوسان ئەنجام دراوە بە دەکیۆمێنت بکەین لەڕێی ئەو رێکخراوانەوە، تاوەکو مافی خەڵکی؛ بەتایبەت هاوڵاتیانی کورد نەفەوتێت و تۆمەتبارەکانیش بدرێنە دادگا."

ئەمەی خوارەوە دەقی ئاگدارییەکەی لقی کەرکوکی سەندیکای رۆژنامەنوسانی کوردستانە.

 

ئاگادارى ..
داوا له‌ سەرجەم رۆژنامه‌نوسان و ئەو هاوڵاتیانە‌ ده‌كه‌ين كه‌ له‌ رووداوەکانی ١٦ى ئۆکتۆبه‌ر وپاش ئەو بەروارە، ئەگەر هەر جۆرە پێشيێلكاریيەکيان به‌رامبه‌ر كراوه‌،  له‌ هه‌ره‌شه و‌ ئه‌شكه‌نجه دان و دەستبەسەرکردن ‌وتاڵانکردن يا هه‌ر جۆريكى دیکە لە پێشێلکاریی،
سه‌ردانی بارەگای لقی کەرکوکی سەندیکای رۆژنامە نوسانی کوردستان، بكه‌ن لە رۆژانی یەک شەمەو سێشەمە. 
بۆ ئەوەی ئەو فۆرمی  زانیارییە  پڕ بكه‌نه‌وه‌ کە لەلایەن (رێکخراوی پارێزەرانی کوردستان بۆ راوێژکاری یاسایی و پرسی جینۆساید و رێکخراوی ئەمریکی و گەشەپێدانی مرۆی) ئامادەکراوە و دواتر به‌رز ده‌كرێته‌وه‌ بۆ لايه‌نى پەیو‌ه‌ندیدار لەپێناو داکۆکییکرن و نەهێشتنی وونبونی مافەکانی ئێوە.


مەهدی زریان 
سکرتێری لقی کەرکوکی سەندیکای ڕۆژنامەنوسانی کوردستان

کەرکوك – گەڕەکی تەپە / نزیکی گۆڕستانەکە
٢/٤/٢٠١٨

 

 

زیاتر پیشان بدە

بابەتی پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *