ئەدەب و هونەرڤیدیۆکوردستانهەواڵ

ئەمساڵ فیستیڤاڵی گەلاوێژ خەڵاتی یەکەمی لە بواری شیعردا نەبەخشی

دەنگی کورد 

ئەمڕۆ شەممە، سێهەم و کۆتا رۆژی ٢١ ەمین فیستیڤاڵی ئەدەبی و هونەری گەلاوێژ بەڕێوەچوو و تێیدا براوەکانی هەرسێ بواری شیعر، چیرۆك و لێکۆڵینەوە خەڵاتکران و بۆ بواری شیعریش خەڵاتی یەکەم نەبەخشرا لەبەر ئەوەی بە وتەی دەستەی هەڵسەنگێنەری ئەو بوارە تێکستە شیعرییەکان بیئەزموونی و نەخوێندەواری شیعری جیهانیان پێوەدیارە. 

دابەشکردنی خەڵاتەکانیش بۆ هەر سێ بوارەکە بەم شێوەبوو: 

خەڵاتەکانی بواری  لێکۆڵینەوە، لە کۆی ٣٦ لێکۆڵینەوە خەڵاتی سێیەم بە هاوبەشی بە هەریەکە لە بێستون عارف عەزیز و ماجید خەلیل فەتاح بەخشرا. 

خەڵاتی دووەمیش بەخشرا بە بەهمەن تاهیر نەریمان و سەیوان محەمەد تاهیر، هاوکات خەڵاتی یەکەمی بواری لیکۆڵینەوە بە هاوبەشی بە هەریەکە لە هەورامان فەریق کەریم و پێشڕەو عەبدوڵا حەمە غەریب بەخشرا. 

خەڵاتەکانی بواری چیرۆکیش لە کۆی ٦٠ چیرۆك بەم شێوەیە بوو: 

خەڵاتی یەکەم بە هاوبەشی بە هەریەکە لە سیروان کەریم و کاروخ فەهمی بەخشرا. 

خەلاتی دووەمی چیرۆك بە هاوبەشی بۆ سوارە نەجمەدین و هەڵمەت حوسێن بەخشرا. 

خەڵاتی سێیەمیش بە هاوبەشی بە هەوری نەجات و ڤیدا قادری بەخشرا.

هەرچی خەڵاتەکانی بواری شیعر هەیە بەسەر شەش شاعیری بەشداربوودا دابەشکران بەجۆرێک خەلاتی سێیەم بە هاوبەشی بۆ سێ شاعیر و خەڵاتی دووەمین بە هەمانشێوە بە هاوبەشی بۆ سێ شاعیر، بەڵام خەڵاتی یەکەم نەبەخشرا لەو بوارەدا. 

خەلاتەکانی بواری شیعریش لە کۆی ٦٨ شیعر بەم جۆرە بوون:

خەڵاتی سێیەم بە هاوبەشی بۆ هەریەکە لە دیار سۆفی، حسێن لەتیف و بەختیار ڕۆغەن بەخشرا. 

خەڵاتی دووەمیش بە هاوبەشی بەخشرا بە بەختیار شارەزوری، نسار مستەفا و شەهرام هوژەبری. 

 

زیاتر پیشان بدە

بابەتی پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *