جیهانهەواڵی

هێرشی ئاسمانی کرایە سەر سوریا

چەندین بنکەو بارەگای سەربازی سوریا کراونەتە ئامانج

دەنگی کورد

بەرەبەیانی ئەمڕۆ ئەمەریکا و بەریتانیا و فەرەنسا، هێرشی سێ قۆڵیان کردە سەر چەندین بنکەو بارەگای سوپای سوریا، ئەمەیش وەکو وەڵامدانەوەیەك بەرامبەر بەکارهێنانی چەکی کیمیایی لە شاری دۆما لە سوریا، هێرشە ئاسمانییەکان بۆ سەر چەندین پێگەو بنکەی سەربازی سوریا بوو لە شارەکانی دیمەشق و حەمس، دواتر فەرماندەی ئەرکانی سوپای ئەمریکا هێرشەکان کۆتاییان هات لە سوریا

پاش ئەوەی دۆناڵد ترەمپ سەرۆکی ئەمەریکا رایگەیاند کە دەبێت رژێمی بەشار ئەسەد سزا بدرێت بەهۆی ئەو هێرشە کیمیاییەی هەفتەی رابردوو رژێمی سوریا لە دۆما ئەنجامیدا، هەروەها هەر یەك لە سەرۆکی فەرەنسا و سەرۆك وەزیرانی بەریتانیا، پێداگریان کرد لەوەی کە دەبێت بێدەنگ نەبن بەرامبەر بەو پێشێلکارییەی رژێمی سوریا دژ بە هاوڵاتیانی سڤیل ئەنجامیداوە.

رۆژی هەینی دۆناڵد ترەمپ لە کۆشکی سپییەوە رایگەیاند کە هێرشی سەربازی لە ئارادایە بەهاوبەشی لەگەڵ فەرەنسا و بەریتانیا، ئێمە سوپاسی ئەو دوو وڵاتە دەکەین، بەڵێنیشیدا کە ئۆپەرسیۆنەکە لە کاتی پێویستدا دەکرێت.

هاوکات ترەمپ هۆشداری دایە ئێران و سوریا لەو پەیوەندییەی نێوانیان، ئاگاداری روسیای کردەوە لە بەردەوامییان لەسەر رێگای نادیار

ئەمڕۆ شەممە ١٤ی ئەپریل تێریزا مەی سەرۆك وەزیرانی بەریتانیا لە کۆنگرەیەکی رۆژنامەوانییدا، بیانووی هێنایەوە بۆ هێرشەکانی بەرەبەیانی ئەمڕۆ و ووتی"هیچ ئەلتەرناتیڤێکی دیکە نیە"، هاوکات هێرشەکانی بە سەکەوتوو ناو برد ووتی"ئەمە هەنگاوێکی راستە ئێمە و هاوپەیمانەکانمان ناومانە".

تێریزا مەی ئەوەیشی ووت، موشکەکانیان دژی بینایەك بەکار هاتووە دەکەوێتە ٢٤ کیلۆمەتری رۆژئاوای شاری حومس، کە وا پێشبینی کراوە سوریا چەکی کیمیایی تیادا حەشار داوە.

 

باسی لە بەشدارییەکەی بەریتانیا کرد و ووتی"بە هەماهەنگی لەگەڵ ئەمەریکا و فەرەنسا، هێرشەکانمان لەڕێی چوار فڕۆکەی جۆری تۆرنادۆ جی ئاڕ ٤، کە سەر بە هێزی ئاسمانی شانشینی بەریتانیایە.

فڕۆکەکان بە موشەکی جۆری ستورم شادو هێرشیان کردە سەر ئەو بنکە موشکییە کۆنەی نزیك شاری حومس، بەپشتبەستن بە زانیاریی زانستی زۆر وورد بیناکە دیاریی کراوە، هەوڵدراوە زۆرترین رێژەی ئەو کۆگایە وێران بکرێت کە چەکی کیمیایی تیادایە.

ئیمانویل ماکرۆنی سەرۆکی فەرەنسا رایگەیاند، بەشداریمان لە هێرشەکە وادەکات، رژێمی سوریا نەتوانێت چەکی کیمیایی زیاتر بەرهەم بهێنێت.

کەناڵی فەڕمی سوریا لە هەواڵە بەپەلەکانیدا ئەوەی بڵاو کردەوە، کە هێزی دژە ئاسمانی سوریا بەرگری دەکات بەرامبەر بە دوژمنکاریی ئەمەریکی و بەریتانی و فەرەنسی، توانیویانە ١٣ موشەك بخەنە خوارەوە لەناوچەی کسوە لە ریف دیمەشق.

بەڕێوەبەری مەرسەدی سوری بۆ مافەکانی مرۆڤ لە سوریا بە ئاژانسی فرانس پرێسی راگەیاند، هێرشەکان بۆ سەر بنکەی لێکۆڵینەوەی زانستی و بارەگا سەربازییەکان و چەند بنکەیەکی گاردی کۆماری و فیرقەی چوار لە دیمەشق  و دەوروبەریدا.

هەروەها مەرسەدی سوری بۆ مافەکانی مرۆڤ، ئەوەیشیان راگەیاند، هێرشەکە بۆ سەر سێ بنکەی لێکۆڵینەوە زانستی، بەڵام ئەو بنکەو فڕۆکەخانە سەربازیانەی هێرشیان کراوەتە سەر، هەفتەی رابردوو رژێمی سوریا چۆڵی کردوە.

وەزارەتی بەرگری روسیا رایگەیاند"لەکۆی ١٠٣ موشەك کە لە هێرشەکەدا بەکار هێنراوە، ٧١ موشەکیان خراونەتە خوارەوە".

.

 

زیاتر پیشان بدە

بابەتی پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *