جیهانهەواڵی

ماکرۆن: ترەمپمان رازی کردووە هێزەکانی ئەمریکا لە سوریا نەکشێنێتەوە

دەنگی کورد 

ئیمانوێل ماکرۆن، سەرۆکی فەڕەنسا لە چاوپێکەوتنێکی تەلەفیزیۆنیدا ڕایگەیاند: دۆناڵد ترەمپی سەرۆکی ئەمریکامان ڕازیکردووە بەهێشتنەوەی هێزەکانی ئەمریکا لە سوریا بۆ ماوەیەکی زیاتر. 

ئیمانوێل ماکرۆن لە چاوپێکەوتنەکەدا ئاماژەی بەوەکردووە:" ١٠ رۆژ پێش ئێستا دۆناڵد ترەمپ رایگەیاند پێویستە هێزەکانمان لە سوریا بکشێنینەوە بەڵام ئێمە رازیمانکرد بەوەی پێویستە زیاتر هێزەکانی لە سوریا بهێڵێتەوە.

سەرۆکی فەڕەنسا ئاماژەی بەوەشکردووە مانەوەی هێزەکان بۆ لێدانی هاوبەشی بنکە کیمیاییەکانی سوریایە. 

لەبارەی هێرشەکەی رۆژی شەممەوە ماکرۆی رایگەیاد: هەموو مووشەکەکانمان ئامانجەکانی خۆیان پێکاوە.

ماکرۆن جەختیشی لەوەکردەوە دەستوەردان لە سوریا کارێکی دروست بووە کە بە ناوی کۆمەڵی نێودەوڵەتییەوە ئەنجام دراوە. 

ئەمە لەکاتێکدایە بەرەبەیانی ڕۆژی شەممە، ئەمریکا بە هاوبەشی لەگەڵ فەرەنسا و بەریتانیا هێرشیان کردە سەر چەند بنکەیەکی سەربازی و کیمیایی حکومەتی سوریا لە هەریەکە لە دیمەشق و حمس و هێرشەکانیش کاردانەوەی نێودەوڵەتی لێکەوتەوە. 

 

 

زیاتر پیشان بدە

بابەتی پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *