بیروڕا

كام حیزب زۆرترین دەنگ دەهێنێت‌؟

 

د.ئیدریس كاریتانی
گرنكیدان بەهەڵبژاردن و دەنگهێنان دەتوانین بڵێین لەلای هەندێ‌ حیزب بەپێش ئامانجە سەرەكیەكان كەوتووە، تەواوی هێز و تواناو هەنگاوی بو دەهاوێژن ، دیارە ئەمڕۆ تاكە وەسیلە بۆ گۆرانكاری بووەتە هەڵبژاردن هەرچەندە لەرۆژهەڵاتی ناوەراست بەگشتی ئەوەندەی هەڵبژاردن بۆ پەرژەوەندی تایبەتە، ئەوەندە بۆ ئامانجەكان نیە (جگە لەتەزویری عەلمانیەكانیش)، بەڵام لەكۆتایدا خەڵك و جەماوەریش تا ڕادەیەك سود مەند دەبن لەهەنگاوی هەندێك حیزب كاتێك لەپەرلەمان دەنگی ڕاستی و حەق بێژی بەرزدەكەنەوە، بەهەر حاڵ من دەمەوێ‌ لێرەدا ئاماژە بەوە بكەم ئایا كام حیزب لەكوردستان زۆرترین دەنگ دەهێنێت؟
 
بێگومان جەماوەر بۆیە دەنگ بەحیزب دەدات بۆ ئەوەی بەشێك لەم حەق و مافانەی هەیەتی بۆی دەستەبەر بكرێ‌، هەرچەندە ئەصڵ وایە ئەو سەركردانەی حكومەت پێكدەهێنن كار بۆ پێشكەوتنی بونیەی ئابوری و دامەزراندنی وڵاتێكی بەهێز بكەن لەهەموو ڕوویەكەوە، باس باسی نان و ئاوو كارەبا هەر باس نیە چونكە ئەمانە هی سەرۆكی وڵات و كاربەدەستان نین مافی سادەی خەڵكن، بەڵام لەوڵاتانی رۆژهەڵاتی دەبێ حیزب دروست بكەی تا نان و قوتی بڕدراو بەدەستی بەناو سەركردەی شاخ و شورشگێر بۆ خەڵكی مام ناوەند و بێ نەوا بگێڕیەوە، ئەمە گەورەترین كارەساتە، دەگەڕێمەوە بۆ وەڵامی پرسیارەكە لەهەرێمی ئێمە دەنگ هێنان بوتە قسە گوتن بەدو حیزبی دەسەڵات (لەگەل ئەوەی من دەڵێم ئەم دوو حیزبە ڕەوایە زۆرترین قسەیان پی بگوترێت )، بەڵام ئەمانە چارەسەری برینی خەڵكی كوردستان ناكات، ڕاستە خەڵك لەبەر ئەوەی زۆر زوڵمی لەلایەن ئەم دو حیزبە دیكتاتورە پێگەیشتووە،.
 
لەگەڵ ئەوەش حیزب بیەوێ گوڕانگاری بكات دەبێت لەهەڵبژاردن كار لەسەر  ئەم هەنگاوانە بكات بەكردار نەک بەقسە چونكە بەقسەبێت كەس بەئەندازەی ئەم دوو حیزبە گەندەڵە قسەی گەورە و بریقەدار نیە، هەنگاوەكان ئەمانەن:

١- پیشكەشكردنی پروژەی وەبەرهێنان و پوژانەوەی كەرتەكان لەنێو خۆی ئەم وڵاتە لەبواری كشتوكال و پیشەسازی و بیناسازی و تەواوی كەرەستەخاو و بەرهەمە ناوخوییەكان بەسیستمێكی سەركەوتوو سەردەمیانەی واقعی نەك خەیاڵی.

٢- پیشكەشكردنی پروژەی ئاوەدانكردنەوە ئیمە ٢٥ سالە حكومەتین نەك میترۆ تا ئێستا پاسیش دابین نەكراوە ئیوە چیتان هەیە بو ئەمانە.

٣- پێشكەشكردنی پروژەی شەفاف بو داهاتی وڵات بەداهاتی نەوت و تەواوی داهاتەكانی تر تا خەڵكی كوردستان بزانێ و بەرچاوی ڕوونبێ.

٤- هاولاتی ئێمە لەم هەرێمە زور چەواشە كراوە سیقە و متمانەی بەكەس نەماوە چ پرۆژەیەكتان هەیە بۆ ئەوەی خەڵك متمانەتان بۆ بگێڕێتەوە.

٥- خەڵكی ئەم هەرێمە دابەش بووە بەسەر ٣٠ حیزبی جیاواز، سروشتیە ئەگەر ڕای جیاواز هەبێ بەڵام ئەمە جیاوازی ڕاو بۆچون نیە ئەمە دوژمنایەتیە چیتان هەیە تا ئەم میللەتە زیاتر هەڵنەوەشیتەوە.

٦- وڵات فرۆشی و خیانەت لە وڵاتی ئێمە بووە بە كارێكی سروشتی لەكاتێکدا لەوڵاتان ئەگەر خیانەت لەنیشتیمان بكرێ شار بەدەری دەكەن كەچی لای ئێمە بووەتە شانازی، یان بەلای كەمی خەلك دوبارە دەنگی پێدەدات ئیوە چیتان هەیە بۆ نەهیشتنی خیانەتی نیشتیمانی.

٧- گەندەڵی بووەتە كلتور ئەمە كارەساتە چیتان پێیە تا بنبڕی كلتوری گەندەڵی بكەن.

٨- بەشیك لەكاندیدەكان تەنها ئامانجیان بەرگ و گیرفانیانە لەبەر زۆری موچە و ئیمتیازات، چیتان پێیە تا ئەم حاڵەتە كۆتایی پێبهێنن ئەندامی پەرلەمان وەك وڵاتان موچەی شایستەی سروشتی هەبێ.

٩- لەبەر فكرەی تەسكی حیزبایەتی و خزمایەتی و خەت خەتوكی لەناو حیزبەكان كاندید لەسەر بنەمای پسپۆڕی هەلنابژێردرێ، بەڵكو ئەمە خەتی فڵانە و خزمی فڵانە ئەمەشیان دەردی كوشندەیە بۆ ئەمە چ پرۆژەیەكتان هەیە.

١٠- كاندید چوار ساڵ لەپەرلەمانە، پەرلەمان جێگای داڕشتنی یاسایە، نازانی یەك پرۆژەیاساش پێشكەش بكات واتە پەرلەمان بووەتە شوێنی دەم بەدەمینە و هاوار بەسەر یەكداكردن بۆ ئەم بابەتە چیتان هەیە.

 

١١- تا ئێستا دوای پێكهینانی حكومەت هیچ وەزارەتێكی شەفافمان نەبینیوە بۆچی؟ لەبەرچی؟ وەلام نازانم ، بو ئەمە چیتان هەیە.
١٢- چوار ساڵ لەنێو حكومەت دەبن هیچ یەكێك لەوەزیرەكان نایەتە سەر شاشە و بەئاشكرا بڵی فڵانە حیزب و بەرپرسی حكومی ریگرە لەكارەكان تا خەڵك بەرچاوی ڕوون بێت چیتان هەیە بۆ ئەوانە .

١٣- بەشێكی زور تاكی ناو حیزبەكان هەر لەلایەن خودی حیزبەكانیانەوە زوڵمیان لێدەكرێت چونكە خەت و ختوتیان نیە، كەواتە ناعەدالەتن چیتان پیێیە تا عەدالەت سەرەتا لەنێوخۆی حیزبەكەتان پەیڕەو بكەن.

لەكوتایدا بابەتەكە زور فراوانە ئەگەر بنوسم دەبێ كتێبێكی تێدا باس بكەم بەڵام بەوەندە كۆتایی دەهێنم دەڵێم هەر حیزبێك ئەم پرۆژانەی هەبێ زورترین پشگیری دەبێت و زورترین دەنگیش دەهێنێت .

زیاتر پیشان بدە

بابەتی پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *