ئابووریهەواڵی

قۆناغی دووەمی سیستمی بایۆمەتری مووچە دەستپێدەكات

دەنگی كورد

بەرپرسێكی باڵای سەرۆكایەتی ئەنجومەنی وەزیرانی هەرێم، ئاشكرایدەكات لە دوای كۆتایهاتنی قۆناغی یەكەمی سیستمی بایۆمەتری مووچەی فەرمانبەران، بڕیارە قۆناغی دووەمی سیستمەكە دەستپێبكات و چەند پڕۆژەیەكیش جێبەجێدەكرێت.

هیوا ئەفەندی، سەرۆكی فەرمانگەی تەكنەلۆژیا و زانیاری، لە ئەنجومەنی وەزیرانی هەرێم، لە لێدوانێكی رۆژنامەوانیدا، رایگەیاند: لە ماوەی رابردوودا، كارەكانی قۆناغی سیستمی بایۆمەتری مووچە بەڕێوەچوو، بڕیاریشە لە ئایندەیەكی نزیكدا هەنگاوەكان و كارەكانی قۆناغی دووەمی سیستمەكە‌ دەستپێبكات و چەند پڕۆژەیەكیش لەخۆ دەگرێت و تیایدا جێبەجێدەكرێت.

وتیشی "سەرەتا یەكەیەكی ژمێریاری ئەلیكترۆنی ئۆنلاین بۆ هەموو فەرمانگەكان دەخرێتە كار و لیستی مووچە بەئەلیكترۆنی دەكرێت و هەموو فەرمانبەرێكیش فایلێكی دەبێت، سەرجەم داتاكانی تێدایە، لەگەڵ بڕوانامە، ئاستی زمان، كاركردن و رۆژەكانی پشوی لەماوەی مانگێكدا".

ئاماژەی بەوەشكرد: پڕۆژەی دووەم و سێیەمی قۆناغی دووەمی سیستمی بایۆمەتری بریتییە لەدروستكردنی كارتى ئەلیكترۆنی بۆ مووچەخۆرانی خانەنشینی، شەهیدان و ئەنفالكراوان، تۆڕی كۆمەڵایەتی، هەرسێكیان ئامادەكردنی لیستی مووچەكانیان و شێواز ژمێریارییان دەبێت بەئەلیكترۆنی و بەهۆی‌ ئەوەی‌ كۆی‌ زانیاریی فەرمانبەر و مووچەخۆرانیشەوە، دروستكردنی‌ كارتەكە كاتێكی‌ كەمی‌ دەوێت بۆ ئەوەی‌ بخرێتە بواری‌ جێبەجێكردنەوە.

زیاتر پیشان بدە

بابەتی پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *