کوردستانهەواڵی

دەمیرتاش: پەرلەمانى تورکیا رۆڵی دیموکراتیانەى نەماوە

باکوری کوردستان

 

دەنگی کورد
دەمیرتاش لە زیندانەوە ڕایگەیاندووە، ئه‌وانه‌ی چاوه‌ڕوانیی پێشه‌نگایه‌تیی گه‌لیان لێ ده‌كرێت، ده‌بێ بڕیارده‌ر، خۆڕاگر و بوێر بن و دەشڵێت، پەرلەمانى تورکیا ڕۆڵی دیموکراتیانەى نەماوە.

ئاژانسی فورات نیوز بڵاویکردەوە ، سه‌ڵاحه‌دین ده‌میرتاش هاوسه‌رۆكی پێشووی پارتی دیموكراتی گه‌لان هه‌ده‌په‌ لە نوسینێکیدا‌ ده‌رباره‌ی دەرئەنجامەکانی هه‌ڵبژاردنه‌كانی ٢٤ی حوزه‌یرانی ٢٠١٨ی توركیا ڕایگەیاندووە ” سنوورداركردنی تێكۆشانی پەرلەمانی كە بەرپرسیارەتییەكەی نەماوە و لەوێ ڕۆڵگێڕانی دیموكراتیانە بەتەواوی داواكاریی بلۆكی فاشیستی ئاكەپە – مەهەپەیە، بۆ ئەو مەبەستەش پێویستە هەدەپە دەمودەست لە كەشی پشوودان دەرچێت و بچێتە مەیدان، لە دۆخێكی وەهادا كە پەرلەمان، دەستوور، قانوون و دادوەری تێكدراون، ئۆپۆزسیۆنێك كە مافی پرۆتستۆی دیموكراتیانە بەكارنەهێنێت چۆن هیوا بە گەل دەبەخشێت”.

ده‌میرتاش سەبارەت بە ئۆپۆزسیۆن نوسیویەتی ” پێویسته‌ ئێوه‌ پێشه‌نگایه‌تی پرۆتستۆ جه‌ماوه‌رییه‌كان و مافی چالاكیی ده‌ستووری بكه‌ن، مافی دیموكراتیی میتینگ، ڕێپێوان، كۆڕ و كۆبوونه‌وه‌ و هتد. ئه‌گه‌ر پێویست بكات ده‌بێ ئێوه‌ هه‌موو ڕۆژێك ئه‌مانه‌ بكه‌ن، هه‌روه‌ها له‌گه‌ڵ هه‌موو به‌شه‌ ئۆپۆزسیۆنه‌كانی كۆمه‌ڵگه‌دا، پێویسته‌ ده‌رفه‌تسازی بكه‌ن بۆ هاریكاری، پێویسته‌ هه‌موو كێشه‌كانی پێكهاته‌ چه‌وساوه‌كان له‌ مه‌یدانه‌كان ڕه‌نگ بده‌نه‌وه‌ و بخرێنه‌ چوارچێوه‌ی كاری ئۆپۆزسیۆنانه‌ و كاریگه‌ری درووست بكه‌ن.”

ده‌میرتاش ئەوەشی نوسیوە “ئەو كەسانەی كە چاوەڕانییان لێ دەكرێت پێشەنگایەتی بۆ گەل بكەن، دەبێ زیاتر بوێر و خاوەن هەڵوێستێكی بڕیاردارانە بن، بەم شێوەیە مامەڵەی خۆپارێزانە، بە گەڕان بە دوای ڕێككەوتنێكی بنبەستبوو لەگەڵ فاشیزم، پێشەنگایەتی بۆ گەل ناكرێت، بەبێ ئەوەی مرۆڤ قوربانیدان بێنێتە پێش چاو، ناتوانێت چاوەڕوان بێت كە هەندێكی دیكە قوربانی بدەن”.

ماوەى زیاتر لە دوو ساڵە سه‌ڵاحه‌دین ده‌میرتاش هاوسه‌رۆكی پێشووی پارتی دیموكراتی گه‌لان هه‌ده‌په‌ لەلایەن تورکیاوە دەستگیر کراوە لە دوا هەڵبژاردنی تورکیاشدا لە لایەن هەدەپەوە کرایە کاندید بۆ پۆستى سەرۆکی تورکیا.

زیاتر پیشان بدە

بابەتی پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *